பேருந்தின் சன்னலோர என் இருக்கையின்
பக்கத்து இருக்கையில் வந்தமர்ந்தாள்
வேறு இருக்கை இல்லாததால்
நடத்துனர் சீட்டு கொடுத்தபின்
அணைக்கப்பட்டது விளக்குகள்
முன்னிருக்கையில் தலை சாய்த்து அவள்
அயர்ந்து தூங்க துவங்க
நீள தொடங்கிய என் விரல்களை
தட்டிவிட்டுக்கொன்டிருந்தவள்
துணிந்து முலை பற்றியபோது
தூக்கம் கலைந்து வெடித்தாள்
சர்வமும் ஒடுங்கி சன்னலில் வெறிப்பதாய்
வேடிக்கை காட்டினேன்
'என்னாச்சும்மா? ' பதறிய நடத்துனருக்கு
வயித்த கலக்குதென்றாள்
எதிர்பட்ட உணவு விடுதியில் வண்டி நிறுத்தப்பட
இறங்கி நடந்தாள்
நான் இறங்கவில்லை
திரும்பி வந்து புட்டியை நீட்டி
' தண்ணி குடிங்க ' என்றாள்
வாங்கி குடித்துவிட்டு சொன்னேன்
' நீங்க இந்த பக்கம் உக்காருங்க
நான் அந்த பக்கம் உக்கார்றேன் '
பின் நீளவில்லை என் விரல்கள்
நான் அயர்ந்து தூங்க துவங்க
அவள் சன்னல் வழியாய் வெறிக்க தொடங்கினாள்
இடுகைகள்
