இணைய புலிகளுக்கும் ; மைக் மாவீரர்களுக்கும்.. ...

       

     .'சோதியா படையணி'யின் முன்னணி தளபதி. ஈழத்து பெரும் சமர்களிலெல்லாம் முன் நின்றவர். ஜான்சி ராணிக்கு இணையாக ஈழமெங்கும் பேசப்பட்ட பெண் போராளி ...இன்று பாலியல் தொழிலாளி .[விகடனில் அவரது பேட்டியிலிருந்து ]
      
            உங்களிடம் கருணை தேடியோ , பரிதாபம் ஈனவோ நான் இங்கு பேசவில்லை ..என் கண் முன்னால் உடல் சிதறி இறந்து போன இரண்டு வயது தம்பிக்காக போராளி ஆன  நான் , எனது குழந்தைகளுக்காக பாலியல் தொழிலாளி ஆனேன் .
   
        "  இந்தியாவில் இருந்துகொண்டு ஈழத்துக்காக போராடுவதாக சொல்லும் எந்த தலைவர்களிடமும் ஈழம் சம்பந்தமான நேர்மையான புரிந்துணர்வே இல்லை . ' ஈழத் தமிழர்களாகிய நாங்கள் தோற்றுவிட்டோம் ' , என்கிற நிர்வாண கசப்பான உண்மையை கூட இன்னும் ஏற்றுக்கொள்ள முடியாதவர்களாக இருக்கிறார்கள் .எனது குழந்தைகளுக்கு அடுத்த வேளை  உணவு இல்லாமல் பாலியல் தொழில் செய்துவரும் என்னிடம் வந்து             ' எப்போது உங்கள் அடுத்த போராட்டம் ? ' என்று கேட்டால் ,விளக்கு மாறால் அடிப்பேன் .                                                                                                                                                                                   இந்தியத் தலைவர்களே உங்களை கை கூப்பி தொழுகிறேன் ..எங்களை வைத்து வியாபாரம் செய்வதை இனியாவது  நிறுத்துங்கள்.

ஜெயமோகனின் அறத்தை குறித்து ...

              

             ஜெயமோகனின் 'அறம்' வம்சியின் ஆக சிறந்த வெளியீடுகளில் ஒன்று .நினைவின் புகை மண்டலத்தில் ஒரு புள்ளியாக கூட இல்லாமல் மறைந்து போன ' பூமேடை ' உயிர்த்தெழுந்து வந்தார் . எத்தனையோ சீட பெருமான்கள் மின்னி மறைந்து விட்ட பின்னும் குமரி மக்களின் மனதில் நீங்காது நிலைத்திருக்கும் 'நேசமணியோடு' கைகுலுக்க முடிந்தது . வாழ்வின் அடித்தட்டு அழுத்தத்தால் நிலைகுலைந்து மன மண்ணிற்குள் புதைந்து போன எண்ணற்ற மனித முகங்களை அகழ்ந்து அகழ்ந்து அறம் மீட்டெடுத்து தருகிறது  .                                                                                                                                                                                         உண்மையான மனிதர்களை பதிவு செய்யும்போது புனைவை புகுத்துவதும் , பால்ய வியப்போடு அவர்களை விவரிப்பதும் முறையா என்பதை                 ஜெய மோகன் தான் விளக்கவேண்டும் .' யானை டாக்டர் .கே' சொல்கிறார்  " மனிதனின் பூச்சி கொல்லியோடு போரிடுவது ஒரு பூச்சியல்ல . அது ஒரு பூச்சி பெரு வெளி . அது எத்தகைய பூச்சி கொல்லியை யும் வென்று மேலெழும்பும் ". அறமும் அதுவே. மனித பெருக்கு விடமாக அலை சுழற்றி , கரை புரண்டு பாய்ந்தாலும் 'அறம் ' நீந்தி மேலேறும் . சூரியனும் சுற்றி வரும் கோள்களும் ஒன்றோடொன்று உரசாமல் இயங்குவதும் அறமே .
                            அறம் அண்ட பெருவெளி .       

இரத்த பேழை

அடர்ந்து  ஒளி புகா காட்டை
இரண்டாக பிளந்து மறு கரையின்றி
அலையடித்து பெருக்கெடுத்து பாய்கிறது
காட்டாறு
மத்தியில் நீந்தி செல்கிறது பேழை
இரத்த சிவப்பு
கரையில் நின்று கதற
கையெடுத்து கும்பிட
தவிர வேறென்ன செய்ய