மேல் அலகு நீண்டு வளைந்த
ஒற்றை காலொடிந்த
ஒரு காகம்
அடிக்கடி எதிர்ப்படுகிறது
நடைபாதை தேநீர்கடை
வேப்பமர கிளையிலிருந்து
முதல் முறை
உச்சந்தலையில் எச்சமிட்டு வைத்தது
மறு முறை
மிகச்சரியாக தேநீர் கோப்பைக்குள்
வழக்கமான டாஸ்மாக் கடையின்
ஆஸ்பெட்டாஸ் தடுப்பு மீது
என்னெதிரில் வந்தமர்ந்து
சிறகு குடைந்து கறுவுகிறது
தற்செயலென்றே எடுத்துக்கொள்கிறேன்...
அதன் பார்வையில் எப்போதும்
அச்சுறுத்துகிற
தீராத வன்மம்
பிரம்மையாகவே இருந்து தொலையட்டும்...
அது என்னை
வழி மறிக்கிறதா ?
நான் அதனை
பின் தொடர்கிறேனா ?
இடுகைகள்
0 கருத்துகள்:
கருத்துரையிடுக