காகங்களால்
துரத்தப்பட்டு வந்த குயிலொன்று
என் வீட்டு ஜன்னலின்
இடைவெளி சிறுத்த கம்பிகளுக்கிடையில்
முட்டி மோதி படபடத்தது
நானும் துரத்தினேன்.
மறு நாள் விடியலில்
தெரு முனையில் கிடந்தது
கூரிய அலகுகளால்
கொத்தி கிழிக்கப்பட்ட உடல்
ஆண்டாண்டுகளாய்
ஜன்னல் கம்பியில்
துடி துடித்துக்கொண்டிருக்கிறது
அடிவயிற்று
மெல்லிறகு...
நள்ளிரவில்
சுவர் கீறிக் கசிகிறது
அதன் பாடல்
இடுகைகள்
1 கருத்துகள்:
நல்லா இருக்குங்க.
கருத்துரையிடுக